Dáhuǹ bí o ṣe yẹ

Dáhuǹ bí o ṣe yẹ

1. Báwo ni?

 

d. Daádaá ni.

 

2. Ẹkù kù ọjọ mẹ́ta

b. Àtọjọ́ kan pẹ̀lú.

 

3. Ìpáde wa bíi oyin.

a. Àṣẹ.

 

4. Kí l’ó ń ṣẹlẹ̀?

a. Kò sí nǹkankan.

 

5. Mo kí yin.

a. Òo.

 

 

6. Ó dàbọ̀. 

d. Òo. Ó dàbọ̀.

Add a comment

Ìjàpá àti Ìgbín dẹ ọṣọ́

Ìjàpá àti Ìgbín dẹ ọṣọ́

Ní ìgbà láíláí, ọ̀rẹ́ kòríkòsùn ni Ìjàpá ati Ìgbín ń ṣe. Ní ọjọ́ kan, Ìjàpá sọ fún Ìgbín pé àwọn ẹranko oríṣiríṣi l’ó ń wá sínú oko òun láti ba ohun-ọ̀gbìn òun jẹ́. ‘Mo bẹ̀ ọ́ Ìgbín, jẹ́ k’á dẹ ọṣọ́ sí òpó àwọn ẹranko wọ̀nyí, a ó máa pa wọ́n jẹ.’ Ní ọjọ́ kìínní, wọ́n pa òkété kan. Ìgbín sọ pé, tí ó bá di ọ̀la, ọṣọ́ yìí yóò pa ọ̀yà. Wọ́n pa Ẹtu, Ìgalà, àtí Erin. Eléyìí sẹlẹ̀ púpọ̀. Ṣùgbón, ní ọjọ́ kan, Ìgbín sọ pé ‘L'ọ́la, ọṣọ́ yìí yóò pa ọ̀ràn. Ọ̀ràn rèé, òun l’ó tóbi jù lọ nínú gbogbo ẹranko ti omi àti t’òkè.’ Nígbàti ó di òru, Ìgbín bẹ àwọn ọkùnrin méjì, nwọ́n lọ bá a wú ọṣọ́ yẹn níbi tí nwọ́n dẹ́ ẹ́ sí, nwọ́n gbé e lọ sí ọ̀nà tí Ọmọba obìnrin máa ńgbà lọ odó wẹ̀ nwọ́n dẹ ọṣọ́ síbe. Ọmọba ‘binrin ti t’ẹsẹ́ bọ pòòlò, ọṣọ́ yẹ̀ lé e, o pa a lẹ́sẹ̀kẹsẹ̀. Ní ìparí, ojúkòkòrò pa Ìjàpá.

Add a comment

Àkókò ń lọ

Àkókò ń lọ

Àkókò ń lọ, àkókò ń bọ̀,
Àkókò kò dúró d’ẹnìkan,
Ṣiṣẹ́ púpọ̀; ṣeré díẹ̀,
Nítorí pé àkókò rẹ l’ó ń lọ.

Àkókò ń lọ, àkókò ń bọ̀,
Àkókò kò dúró d’ẹnìkan,
Ṣeré púpọ̀; k’o sá f’íbi,
Nítorí pé àkókò rẹ l’ó ń lọ.

Àkókò ń lọ, àkókò ń bọ̀,
Àkókò kò dúró d’ẹnìkan,
Sa ‘pá púpọ̀; k’o sá f’ẹ́wọ̀n,
Nítorí pé àkókò rẹ l’ó ń lọ

Add a comment

Ìjàpa kógun jà ilé Odídẹrẹ́

Ìjàpa kógun jà ilé Odídẹrẹ́

Ní aiyé àtijọ́, Ìjàpa àti Odídẹrẹ́ jẹ́ ọmọ-ọ̀dọ̀ fùn Ògòngo tí í ṣe Ọba àwọn ẹiyẹ gbogbo. Ní ọjọ́ kan, Ọba fẹ́ dán Ìjàpá wò bóyá yio rí ẹ̀ṣẹ̀ kan lọ́wọ́ rẹ̀.

 Ọba sọ pé, ‘Ẹni tí iṣu rẹ̀ bá dán tí ó sì tóbi jù ni ng ó ṣe olórí àwọn ọmọ-ọ̀dọ̀ mi; ẹni tí iṣu rẹ̀ kò bá dára tó, ng ó nà á ni ẹgba méjìlá ní ìdí rẹ̀ ng ó sì lé e jáde ní ààfin mi.’

 Àwọn méjééjì dì iṣu wọn, nwọ́n múra, nwọ́n ḿbọ̀ ní ilé. Nígbàtí Ìjàpa délé, ó fi iṣu jiṣẹ́ fún Ọba gẹ́gẹ́ bi iṣu tirẹ̀, ó sì ròhin fún un pé eré ni Odídẹrẹ́ ńṣe lóko.

Inú bi Ọba rékọja pé Odídẹrẹ́ t’óun ti f’ọkàn tán l’ó  wá fì’dí òun jálẹ̀ bệ. Ó bá mú kòbókò rẹ̀ sítòsí ó pè àwọn géńdé, ẹiyẹ méjìlá, àwọn Àṣá, Àtíòro, Àgbìgbò, Igún, Ọ̀sìn àti bệ bệ lọ, nwón wà nítòsí.

Ògòngò re, alágbára ni, ẹgba kọ̀ọ̀kan t’ó ńfún Odídẹrẹ́ nídi, ìdí rẹ̀ ḿb’ẹ́jè ni, gbogbo ṣòkòtò rẹ̀ l’ó di pupa fòò fún ẹ̀jẹ̀ tí ńṣẹ́yọ nídi rẹ̀ nígbàtí Ògòǹgò ńnà á.

Àlọ́ yi kọ́ wa pé kì ṣọ́ra lọ́dọ̀ ọ̀rẹ́, kí a kíyèsí ìwa ẹnìkẹ́ni dáadáa kí a tó gbé ara lé e gẹ́gẹ́ bí ọ̀rẹ́ o.

Add a comment

Owé

Owé

Ohun tí ojú ń wá ni ojú ń rí.

Ìtúmọ̀ rẹ̀ ni pé nígbà tí a wá nǹkan, a lè rí nǹkan náà. Nǹkan tí a fẹ́ rí ni ẹ máa rí. Nǹkan tí a fẹ́ mọ̀ ni a máa ń ṣe ìwádìí fún. Nǹkan tí a fẹ́ ṣe l’óòótọ́ ni a máa ń tiraka láti ṣe.

Add a comment